😀 साखरबाई झाली कडूबाई 😝

पूर्वी किती कौतुक आणि मान होता साखरेला.साखरेचा खाणार,त्याला देव देणार.ही म्हण प्रचलित होती.आपले काम करून घ्यायचे असेल तर थोडी साखर पेरणी करावी लागेल.असा सल्ला मिळायचा.चार माणसें लोकं जोडायचे असतील तर जिभेवर थोडी साखर ठेवावी लागते.असे अभिमानाने सांगत.पण काळ बदलला तसे साखरबाईचे नशीबही बदलले.दलबदलू नेत्याने पक्षांतर करावे,तसे साखरबाईचे झाले.तिला थेट शत्रूपक्षातच नेऊन बसविले.तिलाच नाही,जेजे मित्र वाटत होते,ते आपले शत्रू कसे आहेत,हे तासनतास लोकांना पटवून दिले अनेक डॉक्टरांनी.षडरिपूअसतात ना,राग,लोभ,द्वेष,मत्सर,स्वार्थ, आणि घमेंड.त्याप्रमाणेच हे पाच शत्रू आहेत असे सांगितले.पांढरा रंग शांतीदूत मानतात.पण हे पाच पांढरे आपले शत्रु कसे आहेत हे पून्हा पून्हा, पून्हा पून्हा पटवून देण्यासाठी खूप कष्ट घेतले सर्वांनी.म्हणजे,साखर,मैदा,मीठ ,पांढरा भात आणि दूध.खरे तर हे सर्वांचे लहानपणापासूनचे सवंगडी, मित्र यांच्या वाचून कुणाचेही पान हालत नाही.जेवणाची आणि दिवसाची सुरुवात यांच्या पासून आणि शेवटही यांच्या बरोबरच.पण मधुमेहामुळे यांनाही शत्रूपक्षात नेऊन बसविले आहे.त्यामुळे ज्यांना मधूमेह नाही, त्यांनीही या सर्वांची जबरदस्त धास्ती घेतली आहे.धरावे,तर चावेल का? आणि सोडावे तर पळेल का? अशी आमची अवस्था झाली आहे.पण आहार शास्त्र सांगते की तुम्ही सर्व पदार्थ खा.पण योग्य प्रमाणात खा.अतिरेक कशाचाही वाईटच असतो.आणि ज्याला जो आजार असेल त्याने मात्र सर्व पथ्ये काटेकोरपणे पाळावेत,म्हणजे जीवन सुसह्य होईल.जूने लोकं सांगायचे की,

पचेल इतकेच खावे.

झेपेल इतकेच उचलावे.

शोभेल असेच ल्यावे.

आणि पटेल असेच बोलावे.

म्हणजे काही ही अडचण येत नाही.मनात आणले तर शत्रुलासुद्धा मित्र बनविता येते.तेंव्हा २०२१ला सर्व शत्रूंना मित्र बनविण्याची क्षमता प्रत्येक व्यक्तीमध्ये येवो,ह्याच मनःपूर्वक शुभेच्छा.!

💐💐सौ.कमल सोनजे पुणे