🌳विस्तारलेला, वटवृक्ष🌳

हो, यापेक्षा दूसरी उपमा लागू पडणार नाही, आणि शोभणार तर मुळीच नाही, माननीय,आदरनीय उमेश सरांना.कारण त्यांचे कार्य नीट समजून घेतले तर कळते की हा माणूस म्हणजे विस्तार वाढलेला वटवृक्ष आहे.याला वटवृक्षच का म्हणायचे? आम्रवृक्ष पण काही कमी नाही.पण आंब्याची फळे शेकड्याने,डझनाने,किलोने मोजता येतात,पण वटवृक्षाचे आपण काहीच मोजमाप करू शकत नाही.🌲सुरूचे झाड आकाशाला गवसणी घालण्यासाठी जोमाने वरती झेपावते.ना त्याला फळे येतात, नाही त्याची सावली फारशी उपयोगी पडते.वटवृक्षाचे तसे नाही.त्याचा विस्तार हळूहळू वाढतो,पण सर्वांगाने सारखाच वाढतो.याच्या फांद्या एकात एक इतक्या घट्ट गुंफल्या जातात की, बाराही महिने थंडगार सावली मिळते.त्याच्या हिरव्या गार दाट सावलीत अनेक जण विसावतात.सर्व प्रकारचे पक्षी आपले निरनिराळ्या प्रकारचे सुंदर घरटे बांधून सुखाने झाडावर राहतात.

दूरदूरवर फांद्या विस्तारलेल्या असतात.पण पारंब्या मात्र पून्हा जमिनीवरच झुकतात.जन्मदात्रीला विसरतच नाहीत.ह्या वटवृक्षाचे सर्व गुण आपल्या उमेश सरांमध्ये आहेत.१०८वेळा रक्तदान म्हणजे साधी गोष्ट नाही.सगळ्यांसाठी तळमळ, कळकळ हे सर्व तर आहेच.पण समाजकार्यातही ते कुठेच मागे नाहीत.स्वत: बरोबरच इतरांनी सुद्धा ह्या सर्व गोष्टी कराव्यात अशी सारखी तळमळ फक्त आणि फक्त त्यांनाच आहे.जीवतोड मेहनत तेच घेऊ शकतात.हे सर्व करीत असताना ते कुटुंबाकडे अजिबात दुर्लक्ष करीत नाहीत.स्वत:चे नाव सांगतांना ते नेहमी उमेश शुभांगी, पुंडलिक कणकवलीकर असेच सांगतात.

कितीही घाईत असले तरी ते एकट्याचे नाव कधीच सांगत नाहीत.म्हणजेच आजचा विजेता, भविष्यातील राष्ट्रपती, आकाशात उंच उंच भरारी घेऊन सुद्धा,यश शिखरावर झेंडा रोवून पून्हा आपल्या कुटुंबात एकरूप होऊन जातो.म्हणूनच मला तो विस्तारलेला, आणि पून्हा जमिनीकडेच झुकलेला वटवृक्ष वाटतो.नव्हे आहेच🌳वटवृक्ष!पाचशे ग्रुपला आपल्यामध्ये सामावून घेणारा, आणि आपला विजेता परिवार या ग्रुपला कवेत घेऊन नाचणारा.आमचा हितचिंतक.आमचा अभिमान, आणि आमचे भूषण, डॉ . उमेश शुभांगी पुंडलिक कणकवलीकर सर🌳👌🏻💐🏆

सौ.कमल सोनजे पुणे